XX. mendeko Euskararen Corpus estatistikoa

Testuingurua

HORRELA HASI ZEN TAWUANTINSUYU-AREKIKO ERASOA.

ESPAINIARREN OLDARKETA EGUNEZ EGUN AREAGOTU ZEN.

HARRAPAKINEN BANAKETAREN AURRETIK 150 SOLDADU BAINO GEHIAGO IRITSI ZIREN CAJAMARCA-RA DIEGO ALMAGROREN BURUZAGITZAPEAN.

KAINOI, TXISPA ETA ZALDI GEHIAGO EKARRI ZITUZTEN.

BABESIK GABEKO EZTIAREN USAIAK EROTUTAKO TXINGURRIAK BAILIRAN, KONTAEZINAK ZIREN HAINBAT TALDE, HANDI ZEIN TXIKI, TAWANTINSUYU-N BARNERATU ZIREN ZENBAIT ALDETATIK.

XV. MENDETIK XVII.ERA ESPAINIAKO 10 MILOITAKO BIZTANLEGOA 5 MILOITARA MURRIZTU ZEN.

ERDIAK, GOSE, ESKALETZA, IZURRITE, INKISIZIO ETABARRI IHES EGINIK ETORRI ZIREN GURE LURRETARA.

EUROPA OSOKO MILAKA MENTURAZALE ETA GAIZKILEK ERE ZEHARKATU ZUTEN ITSASOA.

ESPETXETIK IRTENDAKOAK, IHESLARIAK, LANGABEAK, GAIZKILEAK, MERTZENARIAK, APAIZAK ETA SOLDADUAK ANDEEN GAINEAN BARREIATU ZIREN EGITASMO ETA ANTOLAKUNTZARIK GABE.

ALDIZKAKO TALDEAK OSATZEN ZITUZTEN ETA BIDEAN HERRIALDE INDIARRAK ERASOTUZ HORNITZEN ZIREN.

ERASOTZAILEAK, HOGEI, HOGEITA HAMAR ETA GEHIAGOKO TALDETAN, NEKAZAL HERRIETAN OLDARKA SARTZEN ZIREN, USTEKABEAN, ILUNKARAN, GAU ERDIAN ALA GOIZEAN GOIZ.

AHAL ZITUZTEN GIZON GUZTIAK HILTZEN ZITUZTEN; GERO INDIAR NAGUSITZAT JOTZEN ZITUZTENAK, EMAKUMEAK, HAURRAK ETA ZAHARRAK BAHITU EGITEN ZITUZTEN ETA BIZIRIK ZIRAUTENEI ZUTEN URRE GUZTIA EMATEKO AGINTZEN ZIETEN, BAITA GELAK URREZ BETETZEKO ERE BAHITUTAKOEN HERIOTZA GALERAZI NAHI BAZUTEN.

URRE BILA ABIATZEKO ETA EGUN BEREAN ITZULTZEKO AGINTZEN ZIETEN.